Myotis escalerai

Nome común

Morcego gris ibérico

Familia

Familia Vespertilionidae

Xénero

Xénero Myotis

Descrición

Morcego de pequeno tamaño [♂♂: peso 5,9 (5,0-7,0) g, lonxitude antebrazo 37,5 (34,5-39,2) mm / ♀♀: peso 6,8 (5,7-7,4) g, lonxitude antebrazo 39,0 (37,4-40,5) mm]. Recentemente diferenciado de Myotis cf nattereri baseándose en criterios moleculares. A coloración dorsal é grisácea mentres que a ventral é máis clara, notándose un marcado contraste. O seu espolón en forma de S fai que só poda confundirse con Myotis cf nattereri (M. spA) do que se diferencia pola morfoloxía da franxa de pelos no borde libre do uropataxio.

Distribución

Ben distribuido en Galicia, chega a ser localmente abundante.

Refuxio

Todas as colonias de cría localizadas en Galicia ocupan ocos en edificacións humanas de distinto tipo. No inverno detectouse en pequenos orificios de cavidades subterráneas.

Hábitat

En Galicia aparece asociado principalmente a masas forestais e mosaicos agrícolas, aínda que se detectou tamén en zonas abertas, como complexos dunares.

Ecolocación

Os seus pulsos son semellantes aos doutros Myotis, cunha compoñente de frecuencia modulada (FM) - que nas especies do grupo “nattereri” acada o máis amplo espectro dos Myotis galegos (110-20 Khz)- e curta duración.