Quen somos

Morcegos de Galicia naceu en Lugo no ano 2004, e temos como obxectivos a conservación, mellora do coñecemento e divulgación dos morcegos. Na actualidade, o noso domicilio social está nas Pontes (A Coruña).

Nestes anos realizamos diversos proxectos de estudo, conservación e divulgación por todo o noroeste ibérico. Tamén traballamos na difusión de ferramentas participativas de conservación da natureza, e tivemos un papel activo na creación da Asociación Galega de Custodia do Territorio.