Charlas e conferencias

Unha actividade fundamental na divulgación da bioloxía e conservación dos morcegos son as charlas e conferencias, nas que membros de Drosera expoñen diferentes aspectos da vida dos morcegos, métodos de estudo, diversidade de especies, etc. interatuando con públicos diversos, desde escolares ata naturalistas.

Realizamos charlas e conferencias en lugares tan dispares e distantes como centros educativos das Pontes ou Cangas do Morrazo, a Estación Científica do Courel ou Campo Maior (Portugal).

Se desexas que nos acheguemos ao teu centro ou vila para falar da vida e a conservación dos morcegos, ponte en contacto con nós.