Myotis alcathoe

Nome común

Morcego bigotudo pequeno

Familia

Familia Vespertilionidae

Xénero

Xénero Myotis

Descrición

Myotis de pequeno tamaño [♂♂: peso 4,2 (4,2-4,3) g, lonxitude antebrazo 32,2 (31,6-32,8) mm ♀♀: peso 4,9 (4,4-5,7) g, lonxitude antebrazo 32,2 (31,6-33,1) mm]. Especie semellante ao morcego bigotudo, do que se diferencia pola coloración máis clara na base das orellas e o trago, o seu menor tamaño e por unha coloración máis parda da pelaxe.

Distribución

Coñécese moi pouco desta especie, descrita recentemente. En Galicia capturáronse exemplares nas serras de O Courel, Ancares e o curso medio do río Eume.

Refuxio

É un morcego arborícola, que busca refuxio en pequenas oquedades en árbores, a cotío, de escaso porte.

Hábitat

En Galicia atopouse movéndose sobre pequenos cursos de auga en vales con abundante bosque caducifolio, por riba dos 300 msnm.

Ecolocación

Os seus pulsos son semellantes aos doutros Myotis, cunha compoñente de frecuencia modulada (FM) de amplo espectro (70-30 Khz) e curta duración. Ata o momento non é posible a súa identificación a través da análise de ultrasóns.