Drosera Facebook
Ecoloxía e conservación dos quirópteros galegos
Obter Adobe Flash player
Precízase ter javascript activado e Adobe Flash Player instalado, para visualizar correctamente esta páxina.
Atlas de morcegos de Galicia

Información actualizada sobor da distribución das diferentes especies de morcegos en Galicia

Estudio e conservación do morcego de ferradura pequeno.

Estudio da situación poboacional do morcego de ferradura pequeno en Galicia

  • Myotis alcathoe e Myotis mystacinus

Nome científico

Myotis mystacinus

Nome común

Morcego bigotudo


Familia

Familia Vespertilionidae


Xénero

Xénero Myotis


Visita o atlas de distribución

Descrición

Morcego de pequeno tamaño [♂♂: peso 5,4 (4,6-6,0) g, lonxitude antebrazo 34,6 (34,0-36,2) mm / ♀♀: peso 5,5 (5,4-5,6) g, lonxitude antebrazo 36,0 (35,5-36,5) mm]. É semellante, morfolóxicamente, a M. alcathoe, do que se diferencia pola coloración escura na base de orellas e trago, rostro e pelaxe en xeral. Podería confundirse con M. daubentonii nathalinae pero o pé é de menor tamaño (lonxitude inferior á metade da lonxitude da tibia) e o uropataxio insértase no quinto dedo do pé.

Distribución

A súa distribución en Galicia é meirande do que se lle atribuíu inicialmente. É especialmente abundante nos bosques da montaña oriental, pero detectouse tamén no curso medio do Eume e nos cursos altos de Miño, Sor, Umia e Lérez. Confirmouse a súa reproducción nos vales do Eume e do Umia.

Refuxio

Identificáronse poucos refuxios en Galicia, todos eles en cavidades ou baixo o lousado de construcións antigas. Noutras zonas de Europa nas que está mellor estudado compórtase como unha especie arborícola.

Hábitat

Aparece por riba dos 300 msnm en áreas con importantes masas de árbores caducifolios.

Ecolocación

Os seus pulsos son semellantes ós doutros Myotis, cunha compoñente de frecuencia modulada (FM) de amplio espectro (70-30 Khz) e curta duración. Ata o momento non é posible a súa identificación a través do análise de ultrasóns.


MORCEGOSDEGALICIA.ORG Drosera • Ecoloxía e conservación dos quirópteros galegos
info@morcegosdegalicia.org